ROXAS CITY – Igapatuman para sa bulan sang Hulyo ang dugang nga P1/kwh sa pagsuluktan sang Capiz Electric Cooperative (CAPELCO).
Ini ang ginkumpirmar ni Engr. Edgar Diaz, General Manager sang CAPELCO sang mainterview sang Bombo Radyo.
Suno diri, pila sa mga supplier nga ginakuhaan sang power sang ahensya ang nagpataas sang presyo bangud sa ginapangatubang nga pangkalibutanon nga krisis kaangay sang madugay na nga away sa tunga sang Russia kag Ukraine.
Bangud sini nagsaka sang P2/kwh ang bili sang power sa wholesale market.
Disbentaha suno diri sa bahin sang CAPELCO ang pagtaas sang pagsuluktan sa kuryente bangud kinahanglan danay nila bayaran ang ginkuha nga suplay kag sa masunod pa nga bulan masukot.
Paathag ni Diaz, nga sa bulan pa lamang ini sang Hulyo bangud may posibilidad nga may pagnubo pa sa bili sang kuryente sa masunod nga bulan.
