Sa katapusan nga press conference antes ang ila sambuwa, liwat nga maga-atubangay sanday Manny Pacquiao kag Mario Barrios — lunsay may yuhum sa ila mga guya kag matinahuron sa isa kag isa.
Apang suno sa ila, mangin tuhay ang eksena sa ring sini nga palaabuton nga Sabado sa MGM Grand, Las Vegas.
Nagpabutyag si WBC welterweight title Marrio Barrios sang respeto kay Pacquiao apang desidido ini nga depensahan ang iya titulo.
Madumduman nga nagabalik sa ring si Pacquiao, 47 anyos matapos ang apat ka tuig nga pagretiro, nga nagapromisa nga hatagan sang matuod nga away ang mga fans.
Suno sa trainer ni Barrios, nagpaidalum ini sa intense nga 14 ka semana nga training camp kag handa na ini sa mabug-at nga away para sa People’s Champ.
Samtang, ginatinguhaan ni Pacquiao nga makahimo sang maragtas bilang ikaduha nga pinakatigulang nga kampeon sa maragtas sang boksing.
