Nangin malinong kag matawhay ang pag-obserba sang Semana Santa 2026 sa bug-os nga Western Visayas.
Sa interview sang Bombo Radyo kay Police Major Lailyn Sencil, Spokesperson sang Police Regional Office 6, iya ginpahayag nga nangin madinalag-on ang pagpatuman nila sang Ligtas SumVac 2026 kun sa diin nangin hugot ang ila nga pagbantay sang palibot.
Suno kay Sencil, nangin epektibo man ang pag-deploy sang ila mga katapo kag pagbutang sang mga help desk assistance sa mga simbahan, transport terminal, kag iban pa nga area of convergence sa paghatag sang bulig sa tion sang emerhensya.
Nagpatuman man sang checkpoint sa pila ka mga mayor nga dalanon sa rehiyon agud matsekyar ang mga tawo nga nagasulod sa kada lugar.
Pahayag pa niya, apisar may mga nabalhag nga pila ka mga insidente, wala ini sang direkta nga nangin epekto sa pangkabug-usan nga seguridad.
Nagahingyo man ang natungdan sa publiko nga ipadayon ang pagsunod sa mga security measures, indi lang sa tion sang Semana Santa kundi sang pang-adlaw-adlaw nga pagkinabuhi agud mangin matalunsay ang palibot sang bug-os nga Western Visayas.
