ROXAS CITY – Isa ka pamatuod nga indi sang ‘swapang’ sa posisyon ang mga miyembro sang manubo nga panalgan sang Kongreso ang natabo nga pagbiya ni Camarines Sur Representative Rolando Andaya Jr. bilang majority leader kag gintal-usan ini ni Capiz Representative Fredenil Castro.
Ini ang ginpahayag mismo ni Castro sang mainterview sang Bombo Radyo Roxas.
Ginpahayag sini nga ang pag-swap sang key positions sa ila nga grupo ang nagapakita lamang nga nagakasugot sila kag wala nagaagaway sa posisyon sa manubo nga panalgan sang Kongreso.
Mahibaluan nga kahapon pormal nga nagbiya si Andaya bilang leader sang mayorya nga nagdugay sang anom ka bulan.
Mahibaluan nga wala sang nagpamalabag sa nominasyon ni Andaya kay Castro nga ginakabig niya bilang ‘best person’ para sa nasambit nga trabaho.
