ROXAS CITY – Natalana nga talakayon sa patigayunon nga session sang Sangguniang Panlalawigan ang pag-veto ni Capiz Governor Esteban Evan Nonoy Contreras matapos ang pag re-alligned sang pondo sa pila ka mga proyekto kag pila ka mga ginpapasar nga probisyon sa Appropriation Ordinance.
Magluwas diri hinalaan man ang mga ginproponer nga mga programa kag proyekto sa probinsya nga ginpainan sang pondo.
Kalakip man diri ang pondo nga P7.5 million nga insentibo nga para kuntani sa mga casual kag JO’s sang gobyerno probinsyal kun sa diin nakibot ang Sangguniang Panlalawigan sa nasambit nga pondo.
Apang, wala ini nadayon sa pagpanagtag sa mga empleyado bangud wala nakapatigayon sang quorum ang mga board members.
Matandaan nga ginpirmahan ni Contreras ang realignment request para sa Gratuity Pay sang mga empleyado sa diin luwas sa P5,000 nga nabaton sang mga Jos kag COS may yara pa sila sang batunon nga P3,000.
