-- ADVERTISEMENT --
Gindugukan sang madamu nga tawo ang pagbukas ang Sinadya Festival kahapon nga adlaw.
Ini ang ginpangunahan ni Mayor Ronnie Dadivas kaupod ang iban pa nga mga opisyal sang syudad.
Suno kay Mayor Dadivas, daku ang iya pagpasalamat sa tanan nga nagtambong sa amo nga kahiwatan nga ginpakita ang paghiliusa sang mga Roxasnon apisar sang asud-asud nga kalamidad nga nag-agi .
Samtang, opisyal man nga ginbuksan ang Dinggoy Roxas Civic Center pagkatapos sang pila ka bulan nga renovation.
Nagalaum man ang natungdan nga mangin mabinungahon ang mga aktibidad nga gindihon sa pagselebrar sang kapistahan sang Immaculada Concepcion.
