ROXAS CITY – Aminado ang bag-o pungko nga alkalde sa banwa sang Panay nga pigado ang pagdumala sang ila nga sektor sang mangunguma kag mangingisda.
Ginpahayag ni Mayor Vicente Bermejo nga naobserbahan sini nga wala sang suporta kag bastante nga pondo ang sektor sang agrikultra nagikan sa ila LGU, subong man sa ila kadagatan nga may tawo nga naga-aku sa amu nga dunang manggad.
Bangud sini, paga-alokaran kag pagatutukan sini ang ila sektor sang agrikultura kag igabalik sa mga manugpangisda ang ila sakup nga dagat.
Mangin ‘professionalize’ man suno pa diri ang pagdumala sa ila munisipyo, kun sa diin pagaserbisyuhan ang mga Panayanon, indi lamang ang mga malapit sa alkalde.
Mensahe ni Bermejo, ipalab-ot sa iya pinaagi man ina sa ila Kapitan ukon direkta sa iya ang mga indi patas nga nagakahinabo sa ila banwa agud gilayon ini nga maaktuhan.
