Natapos na nga himuon ang kabug-usan nga 110,620 Automated Counting Machines (ACMs) nagikan South Korea nga pagagamiton para sa 2025 midterm elections.
Suno sa Commission on Elections (Comelec), natapos ini sang mas temprano ukon 2 ka bulan bag-o ang deadline sa Disyembre 2024.
Ang ulihi nga unit sang ACMs nagikan sa MIRU production plant sa SoKor ang ginhimu sang 2 ka bulan nga mas temprano ikumparar sa deadline, kasubong man ang peripherals kasubong sang external batteries, power cords, SD cards, thermal paper, smartcards para sa electoral board kag iban pa.
Samtang, suno kay Comelec Chairman George Garcia, ginalauman nga igadeliver ang ulihi nga batch sang ACMs nagikan sa SoKor sa Pilipinas sa Nobiyembre.
Sa karon, may yara sang 78,456 ang nadeliver sa pungsod nga yara saBiñan warehouse samtang ang pila sa ulihi nga batch nga ginkabug-usan sang 32,164 ACMs ang posible nga yara sa Bureau of Customs na para sa clearing, sa transit ukon padulong sa Busan port para sa shipping diri sa Pilipinas.
