Malapit na nga maratipikahan ang paghinun-anon sa tunga sang Pilipinas kag Japan kaangut sa layi nga Reciprocal Access Agreement (RAA) suno kay Japan Ambassador Endo Kazuya.
Ginhimu sang Japanese envoy ang nasambit nga pahayag sa ginhiwat nga 70th anniversary sang Japan Self Defense Forces (JSDF).
Suno pa nga, sa oras nga makumpleto na ang negosasyon kaangut sa nasambit nga defense agreement, maga-angkon na sang mutual visit sa tunga sang mga suldado sang 2 ka pungsod para sa pagduso sang kooperasyon sa seguridad kag depensa.
Magapasugot man ini sa mas madamu pa nga economic cooperation sang 2 ka pungsod.
Una na nga nagpahayag sang paglaum ang delegasyon sang mga mamalidha nga maisapinal na ang RAA sa pagahiwaton nga ikaduha nga PH-Japan Foreign and Defense Ministerial Meeting.
Kun sa diin pagapangunahan nanday Japanese Minister for Foreign Affairs Kamikawa Yoko kag Minister of Defense Kihara Minoru ang delegasyon sang Japan kag makighinun-anon kaupod nanday Foreign Affairs Secretary Enrique Manalo kag National Defense Secretary Gilberto Teodoro.
Sa grupo naman sang Armed Forces of the Philippines, ginpahayag ni AFP chief Gen. Romeo Brawner Jr. nga hugot nila nga ginbaton ang mas malapit pa nga kooperasyon sa tunga sang Japan kag PH sa kasubong nga kritikal nga panahon.
