ROXAS CITY – Ginakabalak-an sa karon sang mga residente sa Sitio Paon, Barangay Cogon, Roxas City ang hinali nga pagkalayo sang kurtina kag mga bayo sa lima ka mga balay sang pamilya Begona.
Sa exclusive interview sang Bombo Radyo kay Mr. Edward Begona, ginpahayag sini nga ginkatingala sang ila pamilya ang hinali na lamang nga pagkalayo sang pila ka mga kagamitan sa ila balay sa wala nahibaluan nga rason.
Imposible man nga kahimuan ini sang tawo bangud wala sang tawo sa sulod sang balay kag imposible man nga sa appliances nagsugod ang misteryoso nga pagkalayo bangud wala sila sang kuryente.
Samtang suno kay Edward ila nahibaluan sa isa ka albularyo nga may natandog nga taglugar ang ila pamilya rason nga nagakahinabo ang pagkalayo sang mga kagamitan sa ila nga balay.
