Ginpaboran ni Secretary General Wennie Sancho sang General Alliance of Workers Association ang pahayag ni Senator Erwin Tulfo nga ilakip sa listahan sang pagahatagan sang cash assistance ang mga minimum wage earners sa pungsod.
Sa interview sang Bombo Radyo kay Sancho, iya ginpahayag nga nagakadapat gid nga mahatagan ang amo nga mamumugon bangud nga apektado man sila sa nagapadayon nga pagtaas sang presyo sang mga balaklon sa merkado tuga sang kinagamo sa Middle East.
Suno sa iya, ang P1,500 nga monthly financial aid, indi sang dako apang makabulig na sa pagapahagan-hagan sang gastusan sa pang-adlaw-adlaw sang mga mamumugon.
Pahayag niya, kinahanglan nga mahatag na dason sa labing madaling panahon ang amo nga bulig para nga mapuslan na sang mga yara sa amo nga sektor.
Nagapanawagan man ang natungdan nga kuntani dal-on pagid pati ang mga vendors nga hatagan sang cash assistance sang gobyerno.
Interviewed by Bombo Vinz Lingco Deocampo | via Bombohanay sa Udto
