MAAYON, CAPIZ – Padayon pa sa karon nga ginapadalman sang mga kapulisan ang ila nga imbestigasyon sa pagluthang-patay sa isa ka miyembro sang Lupong Tagapamayapa sa Barangay Canapian, Maayon, Capiz.
Ini ang ginpahayag ni Police Corporal Vincent Dumagpi, imbestigador sang Maayon Municipal Police Station sang mainterview sang Bombo Radyo.
Matandaan nga napatay ang biktima nga si Freddie Doce matapos maluthangan sang wala matumod nga indibidwal.
Suno kay Dumagpi, tubtob sa karon wala pa sila sang persons of interest natuhoy sa posible suspek sa amo nga krimen.
Indi man mapat-od sang mga kapulisan kun ano ang motibo sa pagluthang-patay sa biktima bangud ginapahayag sang iya mga himata nga wala man ini sang kontra sa ila nga barangay.
Nag-angkon sang patal nga mga pilas sa tiyan kag paa ang biktima nga gindala pa sa ospital apang ginbaiwan man sang iya nga kabuhi.
