ROXAS CITY – Ginpalab-ot sa Bombo Radyo Roxas sang mga residente sang Barangay San Antonio kag Putian, sa banwa sang Cuartero, Capiz angginaalegar pagpangharass sa ila sang mga katapu sang 61st Infantry Battalion PA sa pagpamuno sang commanding officer nga si Sgt. Durana.
Suno kay Angelo Orence sang Anakpawis kahadluk ang nabatyagan sa karon sang mga residente sa lugar bangud sa pagpangharass sa ila sang militar.
May mga panahon nga hinali lamang nga nagapadulong sa balay sang mga residente ang mga soldado dala ang ginasiling listahan nga narekober sa NPA.
Wala man nagustuhan sang mga mangunguma ang pagtawag sa ila nga supporters sang NPA, bangud sila ang miyembro sang Hugpong-Mangunguma, isa ka organisasyon sang mga mangunguma nga nagaduso sang sustainable livelihood kag agriculture.
Samtang ginpahanumdum sang mga mangunguma ang militar nga himoon ang ila nga katungdanan nga protektahan ang mga tawo sa baylo nga i-harass kag pahadlukon ang mga ini.
