Nangin malinong kag matawhay ang pagsug-alaw sang Bag-ong tuig sa bilog nga Western Visayas.
Sa interview sang Bombo Radyo kay Police Major Lailyn Sencil, Spokeperson sang Police Regional Office 6, iya ginpahayag nga yara sa 2,215 ka mga katapo sang ila talatapan ang gin-deploy sa bug-os nga rehiyon humalin Disyembre 16 sang nagligad nga tuig.
Suno kay Police Major Sencil, may yara sang 18,387 nga nakumpiskar nga mga iligal nga palupok, mas manubo kun ipaanggid sang nagligad nga tuig 2024.
Samtang, sa firecracker – related injuries naman, may yara sang nabalhag nga 63 ka mga kaso kun sa diin ang 13 ang tuga sang improvised boga kag amg nabilin ang gikan sa nagkalain-lain nga klase sang palupok.
May nabalhag man nga 3 ka kaso sang indiscriminate firing partikular sa probinsya sang Iloilo.
Pahayag pa niya, wala sang nabalhag nga daku nga kaso sang kriminalidad bangud sa hugot nga pagbantay sang seguridad sang mga kapulisan.
Nagapasalamat man ang natungdan sa kooperasyon sang publiko sa pagbulig sa kapulisan sang pagpabilin sang kalinong kag katawhay sa palibot.
