Pagtaas sa mga presyo sang balaklon nakabase sa natalana nga SRP sang DTI – DTI Director

ROXAS CITY – Ginkumpirmar sang direktor sang DTI nga may yara sang pagtaas sa presyo sang mga balaklon sa probinsya sang Capiz.

Sa interview sang Bombo Radyo kay Ms. Ken Queenie Cuñada, director sang Department of Trade and Industry (DTI) – Capiz, suno diri ang pagtaas sang presyo sang mga produkto ang sulod sa gintalana nga suggested retail price (SRP) sang ahensya.

Ba-se sa monitoring sang DTI may yara sang 2%-10% nga pagtaas sa presyo apang ang mga produkto lamang nga ini ang sulod sa jurisdiction sang ahensya kag wala malakip ang produkto nga mantika.

Suno kay Cuñada, sa 218 nga mga produkto nga ginamonitor sang DTI, 86 diri ang nagpasaka sang presyo kaangay sang mga canned goods bangud sa pagmahal man sang presyo sang raw materials.

Dugang pa sini nga may posiblilidad nga magabag-o pa ang presyo sang mga balaklon sa mga masunod nga inadlaw.