ROXAS CITY – Maghinulsol apang ulihi na ang tanan para matadlong sang isa ka amay ang iya nangin kasal-anan sa pagmolestiya sa 14-anyos nga anak.
Sa interview sang Bombo Radyo alyas Jojo, ginpahayag sini nga iya lamang nahimo ang pagmolestiya sa subang nga anak agud matudlian ini sang sex education.
Suno kay Jojo nag-ugat ang tanan sang mag-upod sa iya pagbaligya sang tinapay ang anak nga si alyas Kat Kat kag ginsugid sa iya ang pag-angkon na sang experiensiya sa pagpakighilawan sang classmate.
Gilayon sini nga ginhambalan ang anak nga maghulat lamang bangud maabot man ang ensakto nga tion para diri.
Antes ginpatigayon ang pagtudlo sang sex education sa anak gin-uyatan sini ang iya nga kinatawo sa dalagita.
Wala pa makuntento ginkuha sini ang kamot ni Kat Kat kag ginpasulod sa iya nga pantalon, apang gilayon nga ginbawi sang dalagita.
Natabo lamang ang pagmolestiya ni Jojo sa anak sang mabilin sila nga duha sa balay sa diin pwersa sini nga ginpasulod ang tudlo sa kinatawo sang anak.
Samtang matapos maaresto sang mga pulis bangud sa reklamo sang anak nakahanda nga atubangon sang amay ang nahimo nga kasal-anan.
