Palangabuhian sang mga residente sa Capiz, apektado bangud sa tubig-baha nga ginbilin sang bagyo nga Basyang

ROXAS CITY – Apektado sa karon ang palangabuhian sang mga residente sa probinsiya sang Capiz ilabi na sa banwa sang Mambusao bangud sa tubig-baha nga ginbilin sang bagyo nga Basyang.

Suno kay Provincial Disaster Risk Reduction and Management Council (PDRRMC) Officer Esperidion Pelaez, nabudlayan sa karon nga makaguha sa ila tagsa ka mga balay ang mga residente sa amo nga banwa bangud sa madugay nga paghubas sang tubig-baha.

Padayon man ang monitoring sa 44 ka mga barangay sa siyam ka mga banwa sa probinsiya nga nagapabilin nga lubog sa gihapon sa tubig-baha.

Samtang, ginpanugyanan naman ang mga residente sa Barangay Poblacion Ilaya sa banwa sang Cuartero nga mangin alerto bangud sang ginakabalak-an nga pagkatiphag sang duta.