Patay ang isa ka kilala nga Palestinian journalist nga si Hassan Aslih sa isa ka airstrike nga ginhiwat sang Israel sadtong Martes (local time) sa Nasser Hospital sa Gaza, suno sa Ministry of Health sang Gaza.
Suno sa Israel, si Aslih ang ginapahayag kabahin sang Hamas kag ginapahayag nga nagpartisipar man sa pag-atake sang 2023, apang hugot ini nga ginpanginwala sang Hamas.
Suno sa mga opisyal sang Gaza, isa pa ka pasyente ang napatay kag pila pa ang napilasan sa nasambit nga pag-atake.
Ginkumpirma sang militar sang Israel nga gintarget nila ang mga ginakabig nila nga “terorista” sa ospital.
Sa separado nga insidente, 16 naman ang napatay kag 70 ang pilason matapos iguon sang siyam ka missile attack ang Gaza European Hospital.
Pahayag sang Israel, may Hamas command center sa idalom sang ospital — bagay nga ginpanginwala man sang Hamas.
Suno sa grupo sang International Federation of Journalists, masubra sa 160 na ang napatay nga media workers sa Gaza sumugod sang mag-umpisa ang giyera nga anay na nga ginpanginwala sang Israel.
Samtang naglab-ot na sa masubra 52,000 ang napatay sa Gaza suno sa local health officials, samtang padayon nga nagalala ang humanitarian crisis tuga sang nagapadayon nga kinagamo sa rehiyon kag kakulangan sa suplay sang pagkaon.
