Tuman ang kasubo nga nabatyagan sang pamilya Delgado matapos ini nga ginsugata nila ang bangkay ni Janeth Delgado sa Roxas Airport.
Sa interview sang Bombo Radyo kay Martin Delgado, bana ni Janeth Delgado isa sa napatay matapos masuffocate sa sunog sa Kuwait sadtong tinalikdan nga disyembre 4, 2024 ginpahayag sini nga mabudlay pa sa karon para sa ila, ilabi na sa ila nga mag-amay nga batunon ang natabo sa iya nga asawa.
Matandaan nga satong nakaligad nga semana, naglupok ang balita nga may 2 ka pilarena nga ginbawian sang sunog sa Kuwait kag ini amo ang mag-abyan nga sanday Kien Barros kag Janeth Delgado.
Suno pa kay Martin nga nakatalana kun tani nag magapauli si Janeth sa disyembre 26, 2024 bangud natapos na sini ang iya kontrata.
Apang sa masubo nga balita wala ini nahigayon bangud sa iya gulpi nga kamatayon.
Base naman sa pagproseso sang bangkay sang mga napatay wala man suno nagpabaya ang Overseas Workers Welfare Administration kag Department of Migrant Workers sa pagbulig kag pagmonitor sa ila.
Wala naman nila gin-ekspektar nga mas napadali ang pagproseso kag napauli gilayon ang nasambit nga mga bangkay diri sa probinsya sang Capiz.
Sa karon, yari ini sa separado nga punerarya kag igapauli sa ila tagsa ka balay.
