SAPIAN, CAPIZ – Desidido nga magpasaka sang kaso ang pamilya sang Sangguniang Bayan Member nga nabungguan-patay sa Sitio Pirara, Poblacion, Sapian, Capiz.
Sa nakuha nga impormasyon sang Bombo Radyo sa Sapian Municipal Police Station nga ginahikot na sa karon ang mga papeles agud mapasakaan sang kaso si Jose Tocol, 58 anyos nga residente sang Banga, Aklan matapos mabungguan sang ginamaneho sini nga multicab si SB Member Conradlou “Nonoy Lou” Honrado nga residente man sang nasambit nga lugar.
Matandaan nga samtang naga-bisikleta si Honrado sang aksidente ini nga nabungguan sang madasig nga pagpadalagan sang multicab ni Tocol kag wala ginalauman nga natapakan kag nayudyod pa ang biktima.
Nag-angkon ang nasambit nga biktima sang patal nga pilas sa lawas bangud sa insidente kun sa diin madasig nga gindala sa hospital apang gindeklarar nga dead on arrival sang doktor.
