ROXAS CITY – Nagparekord sa Roxas City Police Station ang isa ka 29-anyos nga panday matapos nga ginaalegar nadula ang kwarta nga nasulod sa iya nga kahita sa Roxas Avenue, Roxas City.
Suno kay Ronel John Jiminez 29-anyos sang Barangay Lawaan sining siyudad nga nagpadulong ini sa isa ka night club kag ginaalegar nga hinali na lamang nga may nagpalapit sa iya ang isa ka bugaw nga bakla nga si alyas Vincent kag ginahimas-himas ang nasambit nga tagreklamo.
Apang, hinali na lamang ini nga natulogan rason nga wala na sini natalupangdan nga ginkuha na sini ang kwarta nga nagalab-ot sa P1,200 nga nasulod sa iya nga kahita.
Ginapatihan sang tagreklamo nga posible nga ginkuha sang nasambit nga bakla ang iya kwarta.
Bangud diri, ginpakamaayo na lamang sang tagreklamo nga iparekord sa pulisya ang insidente.
