ROXAS CITY – Yara na sa kustodiya sang Roxas City PNP ang parolado nga nadakpan sa drug buy bust operation sang mga katapo sang Provincial Drug Enforcement Unit (PDEU) sa sulod sang isa ka lodge sa Plaridel Street sining syudad.
Ginkilala ang arestado kay Jose 2 R Sumeran sang Barangay Poblacion Ilawod, Dumarao, Capiz.
Matandaan nga narekober sa paghinakop sang arestado ang 2 ka sachets sang ginapatihan shabu, 3 ka bukas nga sachets nga may shabu residue, P500 nga marked money, P340 nga cash kag cellphone. Suno kay Sumeran, nag check in ini sa lodge bangud may ginahulat ini nga babaye nga nakilala niya kagabi sa Roxas Avenue apang tuman ang kakibot sini nga mga katapo sang kapulisan ang nagsulod sa iya gin rentahan nga hulot.
Aminado ang arestado nga nagagamit ini sang droga apang hugot nga ginpanginwala nga naga duso ini kabaliskaran sa pahayag sang mga otoridad.
Natalana naman nga pasakaan sang panumbungon nga paglapas sa Republic Act 9165 ukon Comprehensive Dangerous Drugs Act of 2002 ang nasambit nga suspek.
