Aprubado sa sesyon sang Sangguniang Panlalawigan kahapon ang partial nga dugang nga pondo sang Roxas Memorial Provincial Hospital (RMPH).
Kapin sa P17.5 million nga pondo ang aprubado sang Sangguniang Panlalawigan nga ginpa-in sa other professional services nga nagalab-ot sa P13.6 milyones kag other general services nga kapin sa P3.8 milyones.
Apang ginklaro ni Board Member Jonathan ‘’Sonny’’ Besa, chairman sang Comm ittee on Appropriations nga ginpa-in ini nga pondo para sa sweldo sang mga Job Order’s kag Contract of Service para sa bulan sang Oktubre, Nobyembre kag Disyembre.
Ginapanindugan pa sang opisyal nga wala diri malakip ang ginasiling sweldo sang mga JO’s kag Contract of Service sang nagligad nga bulan sang Agosto kag Septiembre, sa diin klaro ang ginpasa nga dokumento sang budget office sa sanggunian nga bastante pa ang pondo para sa sweldo sang amo nga mga binulan.
Samtang ginhatagan plaso sang SP ang RMPH nga magsumiter sang dokumento kasubong sang purchase request, delivery receipt para sa drugs and medicine kag medical and dental supply tobtob sa Oktubre 8, 2021.
Ginrekomendar man sang sanggunian ang pagbuhin sa numero sang mga ginhire nga mga JOs kag contract of service bangud ba-se sa ila obserbasyon sobra ang nasambit nga empleyado sang RMPH.
