Magalunsar ang lokal nga gobyerno sang Kalayaan sa Palawan sang “patriotic tours” sa Pag-asa Island subong nga Abril.
Katuyuan sini nga pabaskugon ang nasyonalismo kag suportahan ang soberanya sang Pilipinas sa West Philippine Sea.
Kalakip sa patriotic tour pagpakig-upod ukon immersion pagbisita sa mga soldado, kag nagkalainlain nga patriotiko nga mga hilikuton.
Igapasundayag man ang pagkanta sang “Lupang Hinirang” samtang nagaatubang sa kadagatan, sa diin may mga barko sang China, pagwagayway sang national flag, pagbisita sa mga tropang Pilipino, kag pagpakigbahin sa kabuhi sang lokal nga komunidad.
Sa subong, para lang sa mga taga-Palawan ang tour, apang ginaplano nga i-extend pa ini sa iban nga mga Pilipino.
Ang lokal nga gobyerno nagatanyag sang libre nga transportasyon paagi sa wooden hull boat para sa mga Palaweño, samtang ang mga turista magabayad lamang sang pagkaon kag accommodation..
Tinutuyo sini nga lihok nga ipakita nga ang Pag-asa Island isa ka buhi nga komunidad kag kabahin sang soberanya nga teritoryo sang Pilipinas.
