ROXAS CITY – Partially Burned ang isa ka payag matapos ginaalegar nga ginhungod sunog sa isa ka punong sa Sitio Talaba, Barangay Pawa, Panay Capiz.
Ang nagarenta sang nasambit nga punong amo ang mag-asawa nga Jake Mheller kag Rexie Mirasol residente sang Barangay Lawaan sining siyudad.
Sandig sa ginpabalhag sa Panay Municipal Police Station ni Eric Douglas Bermejo residente sang Barangay Lawaan sining siydad,ginaalegar sini nga samtang nagapadulong ini nasugat-an sini ang duwa ka mga bag-o nga bantay kag nagsugid nga ginatupok na sang kalayo ang ila nga payag.
Gilayon ini nga nagpadulong sa nasambit nga payag kun sa diin nadiskubrehan na lamang nga nagkalasunog na ang ila tanan nga kagamitan sa sulod sang payag.
Ginabulubanta nagalab-ut sa kapin P47,000 ang gintuga nga kahalitan sang nasambit nga sunog.
Samtang padayon pa nga ginaimbestigaran sang mga katapo sang Bombero ang nasambit nga insidente.
