ROXAS CITY – Hugot nga ginsiling sang Punong Barangay sang Barangay Culajao nga pananglitan nagalapas na sa layi ang iya nasakupan nga mga vendors nga nagabaligya sa Barangay Banica nga hatagan ang mga ini sang nagakaigo nga penalidad.
Ini matapos madamo nga mga residente sang Barangay Banica ilabi na ang mga manugbaligya sa kilid sang dalan ang nagpalab-ot sang ila reklamo sa talatapan sang ila barangay may kaangtanan sa mga pangayaw nga vendors nga nagapwesto sa ila lugar.
Sa interview sang Bombo Radyo kay Punong Barangay Floyd De Jose sang Barangay Culajao, ginpahayag sini nga indi man kuntani pag-ihambal nga kalabanan sa mga nagabaligya ang taga-Culajao kundi may yara apang malaka lamang.
Suno diri, nakighinunanon na sila ni Punong Barangay Mike Xander Agrasada may kaangtanan sa sini nga isyu.
Panugyan sini sa iya mga pumuluyo nga nagabaligya sa barangay Banica nga magsunod na lamang sa mga ginapatuman nga layi sa lugar bangud nahibaluan sini nga ini sa ila ginakuhaan sang pangabuy-anan.
