Ginapabugal ni Presidente Ferdinand Marcos Jr., ang dako nga kontribusyon sang turismo sa ekonomiya sang pungsod partikular na sadtong tuig 2023.

Suno sa Presidente, 48 persyento ini nga mas mataas sa 1.41 trillion Tourism Direct Gross Value Added (TDGVA) sadtong 2022.

Ang nasambit nga balor ang nagarepresenta sang 8.6 percent Gross Domestic Product (GDP) sang pungsod ukon yara sa PhP2.09 trillion nga ginabulubanta yara sa US$35 billion.

Ginpahayag sang Presidente nga ang 2023 Tourism Direct Gross Value Added (TDGVA) ang impressive bilang pinakamataas nga napagkit sumugod sadtong 2000.

Ginhatagan pagtamud sang Presidente Marcos, bangud sa kontribusyon sang Department of Tourism (DOT), nalampuwasan sang gobyerno ang 2023 tourist arrival nga target nga naglab-ot sa 4.8 million matapos mapagkit ang 5.45 million international tourists.

Suno sa datos ang International tourist arrival sa Pilipinas naglab-ot sa 2.9 million sumugod January tubtob March 2024.