Ginkakibot ni Presidente Ferdinand Marcos Jr. ang natukiban niya nga ginkuha sang nagligad nga administrasyon ang isa ka sulundan nga pamaagi nga nagaserbe nga pangamlig batok sa korapsyon sa mga proyekto sa imprastraktura sang gobyerno.
Sa podcast interview, ginpahayag sang Presidente nga ang pagpatuman sang mga proyekto sang National Government nag-untat sa pagsunod sa mga pagsulundan sa nagligad nga dekada.
Suno kay Presidente Marcos, indi mabayaran ang contractor kun indi mapirmahan sang lokal nga gobyerno ang acceptance document, gani napilitan ang contractor nga kay-uhon ang depekto kag tapuson sang husto ang proyekto.
Samtang, gin-ako man sang Presidente ang posibilidad nga makabulig ang mga moderno nga teknolohiya sa pagpabaskog sang transparency sa data sang national budget kag mga proyekto sang gobyerno.
