Wala na ginkakibot ni Pangulong Ferdinand Marcos Jr. sa reaksyon sang China sa ginpasar nga duha ka layi nga Philippine Maritime Zones Act kag Archipelagic sea lanes law.
Reaksiyon ini sang Pangulo matapos nagpaandam ang China nga ang ginpapasar nga duha ka layi ang mahimo nga magapalala pa sang tensyon sa bahin sang West Philippine Sea.
Subong man, nanindugan si Pangulong Marcos nga kinhanglan nga padayunon nga protektahan ang soberanya kag sovereign rights sang pungsod.
Importante man suno diri ang duha ka layi bangud ini ang nagatumod sa boundaries ukon teritoryo nga nasakupan sang Pilipinas.
Kun matandaan, gintawag sang Chinese Foreign Ministry nga iligal kag invalid ang ginapahayag nga tuyo nga pag-whitewash sang Pilipinas sa illegal claims kag mga aksyon sa West Philippine Sea kag ginpatawag naman sini ang Ambassador sang Pilipinas sa China.
