Ginhangkat ni PBGen. Nicholas Torre III, Regional Director, PRO 11 ang legal counsel sang Kingdom of Jesus Christ nga si Atty. Israelito Torreon nga pamatud-an ang mga alegasyon sini kaangut sa mga ginpaguha nga litrato nga pagkutkot sang Philippine National Police (PNP) sa basement sang Jose Maria College.
Apisar wala ginkumpirma sang PNP nga nagkutkot sila sa sulod sang compound, ginhangkat ni Torre si Torreon nga pamatud-an sa gihapon ang iya nga mga alegasyon.
Una na nga ginreport nga ginhambal ni Atty. Torreon nga yara na sa 8 meters suno ang kadalumon sang nakutkot sang kapulisan sa basement sang JMC.
Naninindugan man si Torreon nga ilegal ang ginahimu sang kapulisan bangud ang anuman nga pagpangita nga ginahiwat sa kagamitan sang isa ka tawo ang posible lamang kun ang korte ang nagpaguha sang isa ka valid search warrant.
