ROXAS CITY -Natalana nga ipaidalum sa rapid test ang 5 ka mga locally stranded individuals nga nagtuyo magpauli sa syudad sa pihak nga wala sang pormal nga koordinasyon sa mga lokal nga gobyerno sang siyudad.
Ini ang ginpahayag ni Lieutenant Commander Edison Diaz, Station Commander sang Philippine Coast Guard sang mainterview sang Bombo Radyo.
Ginpahayag ni Diaz nga ipaidalum sa rapid testing ang lima ka mga LSIs subong nga adlaw agud mapasiguro nga hilway ini sila sa covid-19 disease.
Apang ginpasugtan nga magapauli sa tagsa ka mga panimalay agud magpaidalum sa home quarantine bangud yara man sa maayo nga kondisyon ang nasambit nga LSIs kag wala sang sintomas sang covid-19 disease.
Ginkompimar man ni Diaz nga ang lima ka mga Locally Stranded Individuals naman nga mga residente sang probinsiya sang iloilo ang ginsugat na
sang tagsa ka mga LGUs.
Ginkadismaya naman ni Diaz ang kakulangan sang koordinasyon sang mga katapo sang Starlite Ferries sa pagpasakay sang nasambit nga LSIs.
Samtang sa pakig-angut naman ni Diaz sa pamunuan sang Starlite Ferries ginpahayag sang mga empleyado sini nga wala man sang ideya ang talatapan sang Culasi Port sa pagpasakay sang mga nasambit nga LSIs sang mga empleyado nila sini sa Batangas Port.
Matandaan nga ginhold sang mga katapo sang Philippine Coast guard ang 10 ka mga locally Stranded Individuals nga nagsakay sa Starlite Ferries matapos nga natukiban nga wala ini sang koordinasyon sa tagsa ka mga local government units.
