ROXAS CITY – Gindala sa Roxas City Police Station ang isa ka 33-anyos nga persona matapos nga ginaalegar nag-iskandalo sa Barangay Libas, Roxas City.
Ginkilala ang nasambit nga persona kay Rietwen Tonel sang nasambit nga lugar.
Base sa inisyal nga imbestigasyon sang Roxas City PNP nga gindala sang social worker nga si Rosame Duarte ang nasambit nga persona sa pulisya sa diin ginaalegar nga gin-kompronta ini sang suspek matapos nga wala ini nalakip sa listahan sang mga benepisyaryo sang rice subsidy sa ila barangay.
Bangud diri, ginkaakig ini sang suspek sa diin samtang naga-eksplikar pa lang ang amo nga tagreklamo hinali na lamang nga gin-agaw kag gintapak-tapakan ni Tonel ang listahan sang mga benepisyaryo.
Bangud diri, ginpakamaayo na lamang sang tagreklamo nga dal-on sa pulisya ang amo nga suspek.
