Natalana nga pamatian sang Land Transportation Franchising and Regulatory Board (LTFRB) ang ginaduso nga P15 minimum fare para sa mga jeepney sa Miyerkules, Pebrero 19.
Suno kay LTFRB Technical Division Head Joel Bolano, ang nasambit nga petisyon ang nakapending sumugod pa sadtong 2023 kun sa diin ginpasugtan lamang sang board ang provisional increase.
Sadtong Oktubre 2023, gin-aprubahan sang LTFRB ang P1 nga provisional increase sa minimum fare para sa mga pampasahero nga dyip, halin sa P12 ginpasaka sa P13 para sa tradisyunal nga dyip kag halin sa P14 sa P15 para sa moderno nga dyip.
Samtang, ginpahayag sang LTFRB nga ang P15 nga saka sa plete ang ginatun-an kalakip na ang pagkonsiderar sa tanan nga may kaangut nga factors kasubong sang pagsaka sa presyo sang gatong, inflation rates kag ang kabug-usan nga epekto sang ekonomiya sa mga pasahero.
Sa karon, yara sa P13 ang minimum fare sa dyip.
