Ginbasol sang China ang Pilipinas sa natabo sa Ayungin shoal sadtong Hunyo 17 subong nga tuig nga nagresulta sang kahalitan sa naval equipment sang Pilipinas kag ginkapilas sang pila ka mga Navy personnel kalakip na si Seaman First Class Jeffrey Facundo.
Suno kay Chinese Foreign Affairs Ministry Spokesperson Mao Ning, kinahanglan nga atubangon suno sang Pilipinas ang consequence ukon resulta sang kaugalingon sini nga aksiyon.
Ginhimo sang Chinese official ang pahayag matapos nga i-demand sang Hukbong Sandatahan ng Pilipinas nga amo ang naghiwat sang resupply kag rotation mission sa BRP Sierra Madre outpost sa Ayungin shoal ang P60 milyon nga kabayaran sa mga kahalitan nga nadangtan sang grupo sang PH sa nasambit nga insidente.
Apang wala naman ginsabat sang Chinese official kun bayaran ukon indi sang China ang nasambit nga balor sang nangin kahalitan.
