ROXAS CITY – Wala sang plano ang mga katapo sang Philippine Army 3rd Infantry Division (3ID) nga mag-upod sa ginaalegar destabilisation plan batok sa administrasyon ni Presidente Ferdinand Marcos Jr.
Ini ang ginpahayag ni Lt. Col J-Jay Javines, Spokesperson sang Philippine Army 3ID sang mainterview sang Bombo Radyo.
Suno kay Javines, nahibaluan na sang mga miyembro sang PA nga wala sang maayo nga resulta ang pag-upod sa destablisasyon kaangay sa gindangatan sang mga anay miyembro sang organisasyon nga ginsipa sa serbisyo kag nadulaan sang benepisyo bangud sini kag negatibo ang mangin epekto sa ekonomiya sang pungsod.
Nagapati si Javines nga wala sang rason ang PA agud mangin kaaway sang gobyerno kag sinsero ang organisasyon sa ila ginsumpaan kag loyalty sa konstitusyon.
Kampante ini nga indi mangin madinalag-on ang ginapahayag plano nga destabilisasyon.
