Nagpasalamat ang Philippine Red Cross- Capiz Chapter sa Bombo Radyo Philippines sa ginpatigayon nga Dugong Bombo 2025: A Little Pain, A Life to Gain sa pagpanguna sang Bombo Radyo Philippines Foundation Incorporated sa probinsya sang Capiz, apisar nagapabilin sa State of Calamity bangud sa asud-asud nga pag-igo sang bagyo Ramil, Tino kag Uwan.
Sa interview sang Bombo Radyo Roxas kay Raymundo Martinez, Administrator sang Philippine Red Cross – Capiz Chapter, iya ginpahayag nga wala naka-upang ang sitwasyon agud mapadayon ang nasambit nga programa.
Suno pa kay Martinez, apisar naka-eksperyensya sang pag-ulan, sa gihapon natigayon sang maayo ang tuigan nga blood letting activity nga ginpatigayon sa Capiz State University Main Campus sa Fuentes Drive, Roxas City.
Pahayag pa niya, tuman gid ang iya pagpasalamat sa mga nag donar sang dugo, sa mga sponsors, sa istasyon sang Bombo Radyo Roxas, ilabi na kay Dr. Rogelio Florete, Chairman sang Bombo Radyo Philippines, kag kay Ms. Margaret Ruth C. Florete, President kag CEO sang Bombo Radyo Philippines, sa padayon nga suporta kag pag-upod sa advocacy Philippine Red Cross.
Dugang pa sang natungdan, daku nga bulig ang Dugong Bombo sa padayon nga pagkolekta labi na sa tion sang kalamidad kun sa diin mas madamo nga pasyente ang nagakinahanglan.
Interviewed by: Bombo Sunnie Mae Batencila and Bombo Francis Biñas via Good Morning Philippines
