Ginkansela ang pila ka mga aktibidad para sa palaabuton nga kapistahan sang banwa sang Panay, Capiz.
Sa interview sang Bombo Radyo kay Panay Mayor Jonathan ‘Sonny’ Besa, iya ginpahayag nga gindesisyunan sini ang nasambit nga mga kanselasyon bangud sang padayon man nga pagsaka sang presyo sang gatong.
Suno kay Besa, lakip sa mga aktibidad nga gin-cancel amo ang barangay night, mga guest nga mga artista kag iban pa nga mga aktibidad.
Pahayag pa niya, magapadayon sa gihapon ang pila ka mga religious activity sang kapistahan apisar sang pag-iban sang mga aktibidad.
Nahibaluan nga sa kada tuig, yara lang sa 5 million ang allocated budget para sa nasambit nga kapistahan.
Nagpasalig man ang natungdan nga mangin masadya sa gihapon kag mapabilin ang simbolo sang kapistahan sa banwa sang Panay, Capiz.
