ROXAS CITY – Nagapabilin nga positibo sa red tide ang Sapian Bay (Ivisan kag Sapian), coastal waters sang Roxas City, Panay, President Roxas kag Pilar bangud sa nakolekta nga samples nga mataas ang toxic level.
Ini ang ginkumpirmar ni Mr. Edwin Javier Provincial Director sang BFAR-Capiz sang ma-interview sang Bombo Radyo.
Sandig sa pinakaulihe nga Shellfish Bulletin No. 25 Series of 2022 nga ginpaguwa sang ahensya, indi sa gihapon safe kaonon ang mga panginhason ilabi na sa apektado nga lugar.
Liwat man nga ginpahumdum ni Javier sa publiko ang pagdumili sa pagharvest kag pagbaligya sang panghingason bangud magatuga ini sang daku nga kahalitan sa lawas kun makaon ini sang isa ka persona.
Ini ang sa pihak nga mga namonitor nga pagbaligya sang panginhason sa probinsya sang Iloilo kag ginaalegar nagikan sa Capiz ang produkto.
