ROXAS CITY – Ginkompirmar ni Provincial Disaster Risk Reduction and Management Office ukon PDRRMO head Judy Grace Pelaez nga may pila ka mga kabanwahanan sa probinsya ang “passable” kag nagapabilin naman nga “not passable” ang mga dalanon sa pihak sang naeksperiyensyahan nga mga pag-ulan sa probinsya sang Capiz.
Sa interview sang Bombo Radyo kay Pelaez nga wala man sang flashflood ukon landslide nga nagluntad sa mga kabanwahanan sa probinsya.
Apang may pila ka mga kabanwahanan kag kabaranggayan sa gihapon nga ginabaha subong partikular sa banwa sang Sigma kalakip na ang Purok 1, Brgy. Mangoso kag Brgy. Acbo kun sa diin nangin “passable” naman ang mga dalanon para sa mga salakyan.
Samtang, nagapabilin sa gihapon nga “not passable” ang dalanon sa Barangay Poblacion Norte sang nasambit nga banwa.
Ginpahayag ni Pelaez nga nagapadayon sa gihapon ang pag monitor sang ila talatapan sa mga kabanwahanan nga naapektuhan sang mga pagbinaha dala sang mamunog nga pag-ulan.
