Dinosena ka mga commercial ships ang nagdungka sa pantalan sang Iran bilang paghalong batok sa posible nga air strike kag tensyon sa tunga sang Iran kag Estados Unidos.
Suno sa mga sources, importante nga magpabilin sila sa mga boarder sang pantalan bangud mas mataas ang risgo sang collateral damage sa tion nga may air strike sa malapit nga imprastraktura.
Sang Miyerkules, ang isa ka opisyal sang Estados Unidos nagsiling nga ang Estados Unidos nag-withdraw sang pila ka mga tinawo gikan sa ila mga base sa Middle East, pagkatapos nga ang isa ka mataas nga opisyal sang Iran nagpaandam nga ang Tehran magapuntirya sa US military base kon salakayon sang Washington ang Iran.
Nahibaluan nga nagsalig ang Iran sa seaborne tradepara sa pag-import sang mga produkto gamit ang mga dry bulker, general cargo kag mga container ships, subong man ang mga oil tanker para sa pag-eksport sang langis.
Base sa maritime intelligence, ang kadamuon sang mga tanker sa exclusive economic zone sang Iran nagtaas halin sa isa tubtob 36 halin Enero 6 tubtob 12, samtang madamo nga bulk kag cargo vessels ang nag-angkla malapit sa mayor nga mga pantalan sang Bandar Imam Khomeini kag Bandar Abbas.
Matandaan nga aang Hunyo 2025, ang Israel naghimo sang mga air strike sa Bandar Abbas nga nagpatay sang masobra 70 ka tawo. Ini nga mga insidente nagtuga sang dugang nga kahadlok sa maritime trade kag seguridad sa rehiyon.
Samtang ginatinguhaan sang gobyerno sang Iran nga punggan ang kinagamo sa sulod sang pungsod, ginalikawan man sini ang pamahog gikan sa U.S. nga mahimo magpasilabot pabor sa mga anti-government protesters.
