Pila ka mga foreign minister ang hugot nga nagpakamalaot sa desisyon sang Security Cabinet sang Israel nga maglunsar sang daku nga operasyon militar sa Gaza.
Lakip sa sini ang mga ministro gikan sa Australia, Germany, Italy, New Zealand kag United Kingdom.
Sa isa ka joint statement, ginpahayag sang 5 foreign ministers nga ang plano nga gin-anunsyo sang gobyerno sang Israel nagarisgo sa paglapas sa internasyonal nga makatawo nga kasuguan.
Matandaan nga gin-aprubahan sang Security Cabinet sang Israel ang plano nga agawon ang kontrol sa Gaza City, nga labi nga nagapabaskog sang mga operasyon militar sa naguba nga teritoryo sang Palestinian.
Ini nga plano sang Israel nagakatabo sa tunga sang nagapadayon nga inaway sa tunga nila sang Hamas sa Gaza nga nagapadayon sa sulod sang halos duha ka tuig halin sang Oktubre 7, 2023.
