Nakabatyag na sang epekto sang pagtaas sang presyo sang gatong ang pila ka mga manugbaligya sang utan sa bagsakan center sang Teodoro Arcenas Trade Center.
Sa interview sang Bombo Radyo kay Maria Dalla Arevalo, isa ka vegetable vendor, iya ginpahayag nga may bahin sang ila nga kita ang nagakadtu sa gatong bangud malayo ang ila nga ginabyahe antes makapadulong sa TATC.
Suno kay Arevalo, wala sang pagbag-o sa presyo sang mga utan nga baligya sini.
*Kalabasa – P70 ang isa ka bilog kag 40 kada kilo
*Latoy – 40 kada bugkos
*Patola – 30 kada kilo
*Okra – 140 kada kilo
*halohalo nga utan pangpakbet – P70
*Takway – 50 ang bugkos
*Takway -120 ang bugkos (napanitan)
*kalubay – 25 kada kilo
Pahayag pa niya, bastante lang ang iya sini nga kapital agud ibakal naman sang panibag-o nga baligya para sa masunod nga adlaw.
Nagalaum man ang natungdan nga magnubo na ang presyo sang gatong agud indi man tuman nga maapektuhan ang presyo sang pila ka mga balaklon nga mas makapabudlay sa mga ordinary nga mga mamumugon kaangay niya.
