Posible nga makabatyag gihapon sang mga mabug-at nga pag-ulan ang nagkalain-lain nga parte sang Luzon sa mga masunod nga adlaw.
Base ini sa monitoring sang mga member agencies sang National Disaster Risk Reduction Management Council (NDRRMC).
Suno sa konseho, posible nga makabatyag sang moderate to heavy rainfall buwas, Agosto 29, ang mga probinsya sang Pangasinan, Bataan, Zambales, Northern portion sang Palawan, kag Occidental Mindoro.
Bangud diri, ginpaandaman sang ang mga pumuluyo sa nasambit nga lugar nga maghalong kag mangin pala-obserba sa sitwasyon.
Nagpanugyan man ang konseho sa publiko nga imonitor ang mga paandam sang mga lokal nga gobyerno kag sang iban pa nga ahensya sang gobyerno nga nakatutok sa disaster mitigation.
Sa National Capital Region, ginabantayan naman sang konseho ang mga lugar nga masami nga ginabaha, kasubong sang Caloocan City, QC, Caloocan, Malabon, Navotas, San Juan, kag Manila.
Una na nga ginbaha subong nga adlaw ang pila ka bahin sang Metro Manila kun sa diin masobra 30 pamilya sa Valenzuela City ang gin-evacuate padulong sa mga evacuation center.
