Nagakasubo sa karon ang mga Hollywood celebrities nga nanday Paris Hilton, Billy Cristal kag Adam Brody matapos nga gintupok sang wildfire ang ila nga balay sa Los Angeles.
Kalakip ang ila mga kagamitan sa masubra 1,000 nga mga kabalayan kag mga salakyan ang naguba sang anom ka separado nga sunog.
Labing naapektuhan amo ang daku nga bahin sang Pacific Palisades sa diin nilibo ka ektarya sang duta ang nasunog.
Indi malikawan nga maghibi sang aktor nga si James Woods matapos nga ginlamon sang kalayo ang propedad nga iya gintukod sa Pacific Palisades.
Samtang ang hotel heiress nga si Paris Hilton nasunog man ang iya nga balay sa Malibu.
Ang nasambit nga balay ang madamu sang handumanan nga ginbilin kun sa diin nagpalab-ot na lamang ini sang pagpakig-unong sa mga apektadpo nga biktima.
Makabig naman nga maswerte nga mga celebrities nanday Tom Hanks kag Steven Spielberg bangud ang ila balay ang wala naulamid sa nasambit nga sunog.
