Ginpili sang pila ka mga pumuluyo ang mag-evacuate bangud sang kakugmat sang Bagyo Tino.
Sa interview sang Bombo Radyo kay Merlita Bernigo,pumuluyo sang Barangay Loctugan kag Remedios Alcorano nga pumuluyo naman sang Barangay Lawaan, syudad sang Roxas ila ginpahayag nga wala na nila ginhulat nga magbaskog pa ang ulan kag gilayon na nga nag-evacuate.
Suno pa sa ila, ang ila mga panimalay ang yara sa manubo nga bahin sang ila barangay gani kun mag- ulan ang may posibilidad gid nga magbaha.
Pahayag pa nila, daku ang ila nga pagpasalamat sa barangay officials sang ila tagsa ka barangay sa maayo nga pagtratar kag pag- atipan sa ila.
Dugang pa sang mga natungdan, magapabilin anay sila sa evacuation center samtang indi pa sigurado nga mahimo na nga magbalik sa ila mga panimalay.
Interviewed by: Bombo Jessa Mae Delos Santos
