Nagpanugyan ang pila ka nga residente sang barangay Punta Cogon, Roxas City sa mga nagabisita sa ila nga barangay nga maghalong sa tion nga magpaligo sa dagat.
Sa pagpakig-angut sang Bombo Radyo kay Nanay Lyn, residente sang amu nga barangay, ginpahayag indi safe ang baybayon sa ila nga lugar bangud madamu sila sang na-eksperyensyahan nga indi maayo sa dagat sa ila nga barangay.
Suno pa sa iya 25 ka tuig na ini nagpuyo sa amo nga barangay, kag may mga nahitabo nga pagpanghalit ang nasambit nga dagat, may mga tion pa nga naga-alimpulos ini kag nagagulpi kugsog ang hampak sang balud.
Dugang pa sini, nga ginapatihan tabu-tabun ang iban nga area sang dagat sang ila nga barangay.
Samtang, apisar nga may pila na ka mga nagakahinabo nga nagakalumos sa lugar, welcome sa gihapon ang mga nagapadulong sa ila kag nagpanugyan lang ini pag-abot sa basura bangud nga pila ka mga nagabisita suno sa iya ang nagakalat sang basura sa tion nga nagabisita ini kag indi gid maayo para sa ila.
Sa subong nga nagahilapit ang summer season, ginalauman nila nga magadamo pa ang mga tawo nga magbisita sa ila nga barangay kag magpaliwa-liwa.
Apang, nasubuan man ini sa natabo nga pagkalumos sang isa ka bata sang damlag lang sa baybayon nga sakop sang ila nga barangay.
