ROXAS CITY, CAPIZ – Suportado sang pila ka Barangay Officials sa Roxas City ang desisyon ni President Ferdinand Marcos Jr nga pagpirma sang postponement sang Barangay and Sangguniang Kabataan Elections.
Sa interview sang Bombo Radyo kay Punong Barangay Erwin Oroceo sang Baybay, Roxas City, iya ginpahayag nga ginarespito niya ang desisyon sang Presidente.
Suno kay Oroceo, wala man sang problema sa iya kun madayon man ukon indi ang eleksyon.
Dugang pa sang natungdan, may positibo man nga epekto sa ila nga mga opisyal sang Barangay ang pagpaiway sang eleksyon bangud mahimo nila ang mga proyekto nga dapat tapuson.
Matandaan nga ginpirmahan ni President Ferdinand Marcos Jr. bilang layi ang hagna nga gilayon nga naga-postpone sang 2025 Barangay and Sangguniang Kabataan Elections.
Nasaad sa nasambit nga layi nga sa baylo nga Disyembre 1, 2025, ang BSKE pagahiwaton ini sa masunod nga tuig sa Nobyembre 2, 2026.
Nasaad man sa Republic Act 12232 nga palawigon man ang termino sang mga barangay officials kag Sangguniang Kabataan halin sa tatlo ka tuig padulong sa apat ka tuig.
– With an interview from Bombo Jessa Mae Siman De Los Santos
