ROXAS CITY – Pilason ang duha ka mga persona matapos nga nagbungguanay ang duha ka truck kag Ceres Bus sa Barangay Bula, Mambusao, Capiz.
Ginkilala ang nagkalapilasan nga si Salvador Ibanez, 37-anyos residente sang Pinamukan, New Washington Aklan kag wala mahingadlan nga pahenante sini.
Sandig sa inisyal nga imbestigasyon sang Mambusao Municipal Police Station nagaguwa nga samtang ginasubay sang Dump Truck ang dalanon nga ginamaneho ni Ibañezginaalegar nga nadulaan ini sang preno rasun nga nabungguan sini ang truck nga ginamaneho ni Frankie Trinidad, 47-anyos residente sang Barangay Ilaya-Ivisan, Ivisan Capiz.
Bangud sa tuman nga kabaskogon sang impact, ginbungguan pa gid sini ang kasugata nga Ceres Bus nga ginamaneho ni Ricardo Pascual, 52-anyos sang Barangay Salcedo, Dumarao Capiz.
Nag-angkon sang pilas sa magkatuhay nga porsyon sang kalawasan ang duha ka mga persona nga gindala naman sa ospital.
Sa karon nagapadayon pa ang imbestigasyon sang mga kapulisan natuhoy sa insidente.
