ROXAS CITY – Indi mahimo nga mangin state witness ang ginbansagan nga pork barrel queen nga si Janet Lim Napoles sa kaso nga plunder kag graft nga ginapangatubang sini kalakip ang mga senadora nga sanday Juan Ponce Enrile, Jinggoy Estrada kag Bong Revilla.
Ini ang nangin pahayag ni Atty. Nelson Borja, Capizeño nga abugado nga naba-se sa Metro Manila kasunod sang plano sang Department of Justice nga kuhaon bilang state witness si Napoles sa kontrobersyal nga Priority Development Assistance Fund (PDAF).
Suno kay Atty. Borja indi mahimo nga mangin state witness si Napoles sa nasambit nga kaso bangud nga nangin state witness ang himata nga si Benhur Luy.
Apang mahimo lamang nga mangin state witness si Napoles sa mga bag-o nga kaso may kaangtanan sa PDAF scam sa diin panibag-o naman nga pangalan sang mga opisyal sang gobyerno ang obuyagyag sini.
