Nagpabutygag ang aktres kag komedyante nga si Pokwang sang iya kabalaka sa mga street vendors nga padayon nga nagabaligya sa pihak sang mabaskog nga ulan kag tuman nga pagbaha tuga sang nagbaskog nga southwest monsoon.
Sa iya Instagram post sang Martes, ginpahayag ni Pokwang nga ginpangabay niya ang iya mga housekeepers nga untatan na ang pag-hingyo sa presyo sang mga balaklon sa merkado agud nga ang mga manugbaligya bisan paano makaganar.
Madumduman nga liwat naman nga ginlumos sang baha ang Metro Manila bangud sang wala untat nga pag-ulan nga dala sang hangin Habagat nga ginpalala sang bagyo Crising (Wipha), duha ka low-pressure areas, kag tropical storm Dante.
Suno sa Metropolitan Manila Development Authority, isa sa mga kabangdanan sang pagbaha amo ang indi husto nga paghaboy sang basura.
Samtang ginreport naman sang Department of Public Works and Highways nga barado na ang 70% sang drainage system sa Metro Manila gani indi na sini makontrol ang pag-ilig sang baha.
Samtang ginreport naman sang Department of Public Works and Highways nga 70% barado na ang drainage system sa Metro Manila gani indi na sini makontrol ang pag-ilig sang baha
